مکتبہ شاملہ مع پی ڈی ایف - 75 گیگا بائٹ - نسخۂ وقفیہ

مکتبۂ شاملہ کی افادیت

مکتبۂ شاملہ نے عربی امہات کتب کا وسیع ذخیرہ مہیا کرکے طلبہ علمِ دین کے لیے تحقیق کے میدان بڑی خدمات انجام دی ہیں۔ شروع میں بیشتر کتب غیر موافق للمطبوع ہوتی تھیں، جب موافق للمطبوع کتب آنا شروع ہوئیں تو اس سے استفادہ مزید عام ہوا۔ کیونکہ طلبۂ علومِ دینیہ کوطاکثر و بیشتر پی ڈی ایف کتب کے مطالعہ کی ضرورت درج ذیل وجوہات کی بنا پر پیش آتی ہے، کہ شاملہ کی کتب میں بعض اوقات کمپوزنگ کی غلطیوں کا امکان رہتا ہے۔

• پی ڈی ایف سے معلوم ہوجاتا ہے کہ کہاں متن ٹائپ ہونے سے رہ گیا ہے، یا کہاں غلطی ہوئی ہے۔ اس وجہ سے پی ڈی ایف کی اہمیت بڑھ جاتی ہے۔ لیکن ٹیکسٹ کی اہمیت بہرحال اپنی جگہ برقرار ہے۔
• بعض دفعہ طلبہ نوٹس لیتے ہوئے اصل کتاب کے صفحہ کی فوٹو کاپی لیتے ہیں، ظاہر ہے کہ پی ڈی ایف کی ثقاہت بنسبت ٹیکسٹ (ایسی لکھائی جسے کاپی پیسٹ کیا جاسکے) کے زیادہ ہے، اس وجہ سے بھی پی ڈی ایف کی ضرورت پڑجاتی ہے۔
• مکتبہ شاملہ کی بعض کتب میں حواشی درج ہونے سے رہ گئے ہیں، صرف متن ہی لیا گیا ہے۔ اہلِ علم بخوبی درک رکھتے ہیں کہ حواشی کی اہمیت کتنی زیادہ ہے۔

بڑا دیکھنے کے لیے کلک کریں

ان مسائل کا حل اسی صورت ممکن تھا کہ ٹیکسٹ اور پی ڈی ایف دونوں سامنے ہوں، ایک ہی سکرین پر ایک جانب شاملہ کا موافق للمطبوع ٹیکسٹ ہو اور دوسری جانب وہی صفحہ پی ڈی ایف کی شکل میں موجود ہو، تاکہ تلاش، کاپی پیسٹ کی صورت بھی ممکن رہے اور اصل کتاب بھی سامنے رہے۔ موافق للمطبوع کا مطلب یہ ہے کہ جو صفحہ آپ کے سامنے پی ڈی ایف کا کھلا ہو بعینہ اسی کا ٹیکسٹ دوسری جانب کھلا ہو۔

مکتبۂ شاملہ نسخۂ وقفیہ

اہلِ علم مکتبہ وقفیہ سے تو واقف ہیں ہی، اس مکتبہ سے منسوب ایک خصوصی شاملہ بھی اہل علم کے ہاں مقبول ہے۔ اس نسخے کے بارے میں مزید معلومات یہاں سے مل سکتی ہیں۔ شاملہ کا یہ نسخہ دراصل مسجد نبوی، (مکتبہ صوتیہ، باب 17) سے تقسیم ہوتا رہا، پھر بعض ساتھیوں نے اسے نیٹ پر بھی رکھ دیا۔

کچھ عرصہ پہلے ہمارے استاذ محترم شیخ الحدیث حضرت مولانا نور البشر محمد نور الحق صاحب دامت برکاتہم (استاذ الحدیث وعلومہ بجامعة عثمان بن عفّان رضی اللہ عنہ ومدیر معهد) کے حکم پر ان کی نگرانی میں اسے نیٹ سے ڈاؤنلوڈ کیا، استاذ محترم نے اپنے خاص تحقیقی ذوق کی بنا اسے ڈاؤنلوڈ کروایا۔ اس لیے اس کا سارا کریڈٹ حضرت استاذ محترم ہی کو جاتا ہے۔ خاص طور پر استاد جی کو اپنی خصوصی دعاؤں میں یاد رکھیں، اور بندہ کو بھی نہ بھولیں۔ بہر حال 75 جی بی کا ڈیٹا ڈاؤنلوڈ کرنے میں ہمیں متعدد دن لگے۔

اب اس نسخہ کو افادۂ عام کے لیے پیش کیا جارہا ہے، جامعة عثمان بن عفان دار العلوم کراچی کے قریب ہی ہے، جو ساتھی لینا چاہیں ایکسٹرنل ہارڈ ڈرائیو جس میں کم از کم 80 جی بی جگہ ہو لے جاکر  وہاں سے لے سکتے ہیں، یا پھر رابطہ فارم کے ذریعے سے بندہ سے رابطہ کریں تو یہ ڈیٹا حاصل کیا جاسکتا ہے۔ بندہ بھی دار العلوم کراچی کے قریب ہی ہوتا ہے۔

جب اللہ نے توفیق دی تھی کہ کتبِ درسِ نظامی کو کمپریس کرکے بلاگ پر مہیا کرتے، ساتھیوں نے اسے پسند بھی کیا اور حوصلہ افزائی بھی کی اور کئی ساتھیوں نے بذریعہ کوریئر منگوایا بھی۔ اس کی صورت یہ تھی کہ ہم 16 جی بی کی نئی یو ایس بی خریدتے، ڈیٹا کاپی کرکے روانہ کردیتے۔ یو ایس بی موصول ہونے پر وہاں سے یو ایس بی اور کوریئر کا خرچہ ہی بھیج دیا جاتا۔ اب تک 4-5 ساتھی ڈیٹا منگواچکے ہیں بحمد اللہ وعونہ۔ تو اس بار بھی ہوسکتا ہے کہ  دور والے ساتھی جو یہاں نہیں آسکتے، 32 جی بی کی دو ایس بی میں ڈیٹا منگوالیں۔ اور اپنے علاقہ کے علماء میں تقسیم کریں۔ 

یہ ڈیٹا چونکہ نیٹ پر بھی دستیاب ہے، تو کوئی ساتھی چاہیں تو وہاں سے بھی ڈاؤنلوڈ کرسکتے ہیں۔ 

ہدایات برائے اؤنلوڈنگ :

 مکمل مجموعے کے 84 حصے ہیں، ہر حصہ تقریباً 700 م ب کا ہے، زپ فارمیٹ میں ہے اور آرکائیو ڈاٹ آرگ پر اپلوڈ کیا گیا ہے۔ غالبا 56 جی بی کا ہے۔ جسے ایکسٹریکٹ کرنے کے بعد 72 جی بی کا ڈیٹا مل تا ہے۔ بہتر ہوگا کہ اسے ایسے لیپ ٹاپ سے ڈاؤنلوڈ کیا جائے جس کی بیٹری اچھی ہو،تاکہ بجلی جانے کی صورت ڈیٹا خراب (کرپٹ) نہ ہو۔ 
ایک دوسری صورت یہ بھی ہے کہ ٹورینٹ کے ذریعہ ڈاؤنلوڈ کیا جائے۔ جس سے یہ آسانی ہوجاتی ہے بجلی جانے پر بھی کوئی فائل کرپٹ نہیں ہوتی۔ سپیڈ بھی اچھی ہی رہتی ہے۔ بلکہ زیادہ بہتر یہی ہے کہ اگر نیٹ کی سپیڈ کم ہے تو لیپ ٹاپ سے بھی بذریعہ ٹورینٹ ڈاؤنلوڈ کیا جائے۔ انٹرنیٹ ڈاؤنلوڈ سپیڈ نصف ایم بی پر سیکینڈ ہو یا ایک ایم بی پر سیکینڈ ہو تو RAR فارمیٹ ڈاؤنلوڈ کیا جائے۔ یہ میری رائے ہے۔

چونکہ اس کا اپڈیٹڈ ورژن آچکا ہے جس میں بہت سی کتب کا اضافی ہے، اس لیے اب اسی ورژن کو ڈاونلوڈ اور استعمال کیا جائے۔ اس کے بارے میں درج ذیل لنک پر دیکھا جاسکتا ہے۔

http://atarafi.blogspot.com/2017/05/shamela-library-waqfeya-version-size-100-gb-download-size-76-gb.html?m=1