ایوو 3.1 کمپیوٹر سٹارٹ ہونے پر آٹو کنیکٹ کریں

کیا آپ ایوو 3.1 یوزر ہیں؟ کیا آپ چاہتے ہیں کہ آپ کا کمپیوٹر سٹارٹ ہو تو آپ کا ایوو بھی بغیر کسی سافٹ ویئر کے خود بخود
انٹرنیٹ سے کنیکٹ ہوجائے!، اگر ہاں تو پھر یہ پوسٹ پڑھیے۔
نوٹ ڈائل آپ کنیکشن بنانے کے لیے یہ پوسٹ پڑھیے۔
ایوو ڈرائیورز کے لیے یہ پوسٹ پڑھیے۔
پچھلی پوسٹ میں جس کا لنک اوپر دیا گیا ہے، آپ نے جانا تھا کہ ونڈوز سیون میں ڈائل اپ کنیکشن کیسے بناتے ہیں۔ اب اس کا دوسرا حصہ ہے کہ ایوو کو کمپیوٹر سٹارٹ ہونے پر آٹو کنیکٹ کیسے کریں گے۔
1- درج ذیل پاتھ پر جائیں اور اسکیچول ٹاسک پر کلک کریں۔
Control Panel->Administrative Tools->Schedule Tasks
2- یہاں پر دائیں طرف پینل سے Create Basic Taskپر کلک کریں۔

3- کھلنے والے ڈائیلاگ باکس پر بالترتیب درج ذیل کام کریں اور نیکسٹ کرتے جائیں۔
نام دیں۔
when i log on پر کلک کریں۔
start a program پر کلک کریں۔
start a program کے سامنے یہ پاتھ دے دیں۔
c:\Windows\System32\rasphone.exe
arguments کے سامنے آپ نے یہ لکھنا ہے "-d NetworkConnection"یہاں networkConnection کی جگہ آپ کےڈائل اپ کنیکشن کا نام آئے گا۔

یاد رہے کہ کنیکشن کے نام کے درمیان اسپیس نہ ہو۔ آسانی کے لیے آپ کنیکشن کو مختصر سا نام دے دیں۔ اور آخر میں finish پر کلک کردیں۔
اب دوبارہ کنٹرول پینل سے کنیکشن پراپرٹیز کھولیں، اور options ٹیب کو منتخب کرلیں۔ اور یہاں پر لگے سارے چیک مارکس ہٹادیں، اس سے یہ ہوگا کہ کنیکشن جب کنیکٹ ہورہا ہوگا تو کوئی ڈائیلاگ باکس وغیرہ نہیں کھلے، اور فوری کنیکٹ ہوجائے گا۔

آپ کو یہ ایوو 3۔1 کو اس طریقے پر کنیکٹ کرنے کا طریقہ کیسا لگا؟ کیا آپ اس پروسیجر میں کامیاب ہوئے ہیں؟
کمنٹس کے ذریعے ضرور بتائیے۔ شکریہ

تبصرے

اس بلاگ سے مقبول پوسٹس

مکتبۂ شاملہ نیا ورژن 100 جی بی (76 جی بی ڈاؤنلوڈ)

مکتبۂ شاملہ کے تعارف بارے میں لکھ چکا ہوں کہ مکتبۂ شاملہ کیا ہے۔ اس کے نسخۂ مفرغہ (App-only) کے بارے میں بھی بات ہوچکی ہے، اور نسخۂ وقفیہ پر بھی پوسٹ آچکی ہے۔ عموماً سادہ شاملہ 15 جی بی کا ہوتا ہے جس میں 6000 کے لگ بھگ کتابیں ہوتی ہیں جو ٹیکسٹ شکل میں ہوتی ہیں۔ مدینہ منوّرہ کے کچھ ساتھیوں نے اس کا نسخۂ وقفیہ ترتیب دیا، جس کا سائز تقریباً 72 جی بی تھا۔ ابھی تحقیق سے معلوم ہوا کہ نسخۂ وقفیہ کا 100 جی بی والا ورژن بھی آچکا ہے۔ جس میں نئی کتابیں شامل کی گئی ہیں، اور کئی بگز کو بھی دور کیا گیا ہے۔ ڈاؤنلوڈ سائز 76 جی بی ہے، اور جب آپ ایکسٹریکٹ کرلیں گے تو تقریباً 100 جی بی کا ڈیٹا نکلے گا۔ رمضان المبارک کی مبارک ساعات میں کی گئی دعاؤں میں یاد رکھیے۔

مکمل درسِ نظامی کتب مع شروحات وکتبِ لغۃ اور بہت کچھ۔ صرف 12 جی بی میں

تعارف ”درسِ نظامی“ہند وپاک کے مدارس میں پڑھایا جانے والا نصاب ہے۔کتابوں کے اس مجموعے کے اندر درسِ نظامی کے مکمل 8 درجات کی کتابیں اور ان کی شروح کو جمع کرنے کی کوشش کی گئی ہے۔ یہ مجموعہ کس نے ترتیب دیا ہے، معلوم نہیں اور اندازے سے معلوم یہ ہوتا ہے یہ ابھی تک انٹرنیٹ پر دستیاب نہیں۔ اور پاکستان (یا شاید کراچی)میں ”ہارڈ ڈسک بہ ہارڈ ڈسک“ منتقل ہوتا رہا ہے۔بندہ کو یہ مجموعہ ملا تو اس کا سائز قریباً 22 جی بی تھا۔ تو اسے چھوٹا کرنا اور پھر انٹرنیٹ پر اپلوڈ کرنا مناسب معلوم ہوا کہ دیگر احباب کو بھی استفادہ میں سہولت ہو، مستقبل کے لیے بھی ایک طرح سے محفوظ ہوجائے۔یہ سوچ کر کام شروع کردیا۔ اسے چھوٹا کرنے، زپ کرنے اور پھر انٹرنیٹ پر اپلوڈ کرنے میں قریباً ایک مہینہ کا عرصہ لگا ہے۔ اور کام سے فارغ ہونے کے بعد اس کا سائز 11.8 جی بی یعنی پہلے سے تقریباً نصف ہے۔ اس سے مزید چھوٹا کرنے پر صفحات کا معیار خراب ہونے کا خدشہ تھا، تو نہ کیا۔ جن احباب نے یہ مجموعہ ترتیب دیا ہے ان کے لیے جزائے خیر کی دعا کرتے ہوئے، اور اللہ تعالیٰ سے خود اپنے اور سب کے لیے توفیقِ عمل کی دعا کرتے ہوئے آپ کے سامنے پیش کرنے کی ...

مختلف سوفٹویئرز میں عربی کے مخصوص حروف کیسے لکھیں؟

کمپیوٹر میں یونیکوڈ اردو ٹائپ کرنے لیے مختلف کی بورڈز دستیاب ہیں۔ بندہ چونکہ پہلے انپیج میں ٹائپنگ سیکھ چکا تھا، لہٰذا یونیکوڈ کے آنے پر خواہش تھی کہ ایسا کی بورڈ مل جائے جو ان پیج کی بورڈ کے قریب قریب ہو۔ کچھ تلاش کے بعد ایک کی بورڈ ملا، میری رائے کے مطابق یہ ان پیج کے کی بورڈ سے قریب تر ہے۔ اب جو ساتھی نئے سیکھنے والے ہیں، ان کو کون سا کی بورڈ سیکھنا چاہیے، یہ ایک اہم سوال ہے۔ میری رائے طلبۂ مدارس کے لیے ہمیشہ یہ رہی ہے کہ وہ عربی کی بورڈ نہ سیکھیں، کیونکہ عربی کی بورڈ کو اردو اور انگریزی کی بورڈز کے ساتھ بالکل مناسبت نہیں ہے، کیونکہ احباب جانتے ہیں کہ ان پیج کا فونیٹک کی بورڈ ملتے جلتے انگریزی حروف پر ترتیب دیا گیا ہے۔ مثلاً ”p“ پر آپ کو ”‬پ“ ملے گا۔ اس طرح حروف کو یاد رکھنے میں سہولت ہوجاتی ہے۔ اس طرح جو آدمی اردو سیکھ لے وہ تھوڑی سی مشق سے انگریزی ٹائپنگ کرسکتا ہے، اور انگریزی ٹائپنگ سیکھا ہوا شخص کچھ توجہ سے اردو بھی ٹائپ کرلیتا ہے۔ اور عربی کے تقریباً سارے ہی حروف اردو میں موجود ہیں، تو الگ سے کیوں نیا کی بورڈ سیکھا جائے۔ کئی کی بورڈز پر توجہ دینے کے بجائے بہتر یہ ہے ایک ہی ک...

عطاء رفیع کا بلاگ

یہ بلاگ تلاش کریں